Followers.அன்பர்களே ! இணைந்து கொள்ளுங்கள்.

பொண்டாட்டியைக் கூட்டிகொடுத்து, தந்தையின் காலை வெட்டி நாயனாரானவர்கள்.

நாயன்மார்கள் ஆக பொண்டாட்டியைக் கூட்டிகொடுத்து நாயனாரானவர். தந்தையின் காலை வெட்டி நாயனாரானவர். அரசமாதேவியின் மூக்கை அறுத்த நாயனார்! மனைவியை விலை பேசிய நாயனார்!

பொண்டாட்டியைக் கூட்டிகொடுத்தவனும், கூட்டிப்போன சிவனடியார்{சிவனும்} பிராமணீயத்தின் பிரதிபலிப்பா? இல்லை தமிழர்களின் உன்னத நாகரீகமா?
இந்த கதைகளை எல்லாம் தெரிந்து கொண்டு, கதாகாலாட்சேபம்,செய்யுற வங்களை பிராமிய வாதிகள் என்பதா? தமிழர்கள் என்பதா? படித்தவர்கள் என்பதா? சிந்திக்கக் கூடியவர்கள் என்பதா? தமிழின துரோகிகள் என்பதா? அல்லது, சமூக வியாதிகள் என்பதா? விரோதிகள் என்பதா?

நாயன்மார்கள் ஆக செய்த நற்பணிகள்!

நாயன்மார்கள் ஆக... சிலர் செய்த நற்பணிகளில் ஒருவர் செய்த நற்பணியை இந்த பதிவில் பார்ப்போம்!

அறுபத்து மூன்று நாயன்மார்களில் இறைவனை அடைய, இறைவனின் அருளைப் பெற செய்த காரியங்கள்,செயல்கள் பிராமணீயத்துக்கு ஏற்றதாக,ஆதரவாக, இருந்துள்ளதால் தான் அவர்களை பெருமைப்படுத்தி, அவரகளது செயல்களை ஏற்றுக்கொண்டு, நாயன்மார்களாக ஆக்கி உள்ளது! அதுமட்டுமல்ல! அவர்களை வழிகாட்டிகளாக, வழிபாட்டுக்கு உரியவர்களாக முன்னிறுத்தி, கோயில்களில் சிலைகளாக வைத்து போற்றி வருகிறது!

இப்படி போற்றிவரும் நாயன்மார்கள் செய்த நற்பணிகள் என்ன ? என்பதை நியாய உணர்வும், மான உணர்வும், ஒழுக்க உணர்வும், நற்பண்பையும் பேணிக்காக்க விரும்பும் தமிழ் சமுதாயம் தெரிந்து கொள்ள வேண்டும்! குறிப்பாக, இவர்களையும் சேர்த்து வழிபட்டு வரும் ஆன்மீக பக்தர்களும், பெண்களும் தெரிந்து கொள்ளவேண்டும்!

இயற்பகையார்:
காவிரிப் பூம் பட்டினத்தில்,வைசியர் குலத்தில் பிறந்த இவர், சிவனடியார்கள் அதாவது,சாமியார்கள் எதைக்கேட்டாலும் மறுக்காமல் கொடுத்து வருபவர். இவரது ஏமாளித்தனத்தை, புரிந்து கொண்ட சிவனடியார் ஒருவர், இயற்பகையாரிடம் வந்து ஒருமுறை, அவரது மனைவியைக் கேட்கிறார்! சிவனடியாருக்கு எதற்கு அவரது மனைவி? என்று என்னிடம் கேட்காதீர்கள்! அப்படி அவர் கேட்பது நியாயமா? நல்லொழுக்கமா? என்றுகூட கேட்காதீர்கள்! சிவனடியார் உருவில் வந்து சிவனே கேட்டார் என்று இவரைப்பற்றி பெருமையுடன் கூறுகிறார்கள்!

மானமும், ரோஷமும் உள்ள மனிதன் தனது மனைவியை கேட்டவனை என்ன செய்து இருப்பான்? அப்படியெல்லாம் இயற்பகையார் மானம்,ரோசம்,போன்ற பண்புகளோ,ஒழுக்கமோ பற்றி கவலைப்படவில்லை!

சந்தோசமாக," என்மனைவிதான் உங்களுக்கு வேண்டுமா? இதோ,எடுத்துகொள்ளுங்கள்! அவளை உங்களுடனே.. கூட்டிக் கொண்டு போங்கள்!" என்று அனுப்பிவைக்கிறான்!

அவனுக்குதான் புத்தி இல்லை, ஒழுக்கம் இல்லை, சிவனடியாரான உனக்குமா அறிவில்லை? நீ எப்படி அவனது மனைவியைக் கேட்கலாம்? என்று அவனது உறவினர்கள், நல்லொழுக்கத்துடன் வாழ்ந்துவந்த தமிழர்கள் கோபப்படுகிறார்கள் ! இந்த அநீதியை,அக்கிரமத்தை தடுக்கிறார்கள்!

இதைபார்த்த, "இயற்பகையார்"என்ன செய்திருக்க வேண்டும்? தனது தவறை உணர்ந்து, திருந்தி இருக்கவேண்டும்! தனது முடிவை மாற்றிக்கொண்டு மனைவியை சிவனடியாரோடு அனுப்பாமல் இருந்திருக்க வேண்டும்!

அவர்தான் இயற்பகையார் ஆயிற்றே,!{தமிழர் இயல்புக்கு, பழக்கத்துக்கு, நல்ல குணங்களுக்கு,பகைவர் என்றும் பொருள் கொள்வது தவறில்லை எனபது ஏன் கருத்து. }

போகட்டும்! அடுத்தவன் மனைவியைக் கேட்ட சிவனடியாராவது என்ன செய்திருக்க வேண்டும்?

முறைகேடாக, ஏதோ சபலத்தில் உன் மனைவியை கேட்டுவிட்டேன்! எனக்கு உனது மனைவி வேண்டாம் என்று சொல்லி, இயற்பகையாரின் மனைவியை அழைத்து செல்லாமல் விட்டுவிட்டு போயிருக்க வேண்டும்!
மேலே நான் சொன்னதுபோல நடந்திருந்தால், அப்படிப்பட்டவர்களை திருத்தி, நல்வழிப்படுத்தி இருந்தால், அதுபற்றிய ஒழுக்கக் கதையைக் கூறினால் பரவாயில்லை! ஆனால் அப்படி எல்லாம் இயற்பகையாரும் நடந்து கொள்ளவில்லை, சிவனடியாரும் செய்யவில்லை. நாம் எதிர்பார்ப்பது போலவும் கதை நடக்கவில்லை!

இயற்பகையார், தனது மனைவியை சிவனடியார் அழைத்து போவதை தடுத்த, தனது உறவினர்கள் அனைவருடனும் எதிர்த்து போரிட்டு, சிவனடியாருடன் தனது மனைவியை அனுப்புகிறார்! அதுமட்டுமல்ல திருச்சாய்க்காடு என்ற இடம் வரை அவர்களுக்குப் பாதுகாப்பாக பின்தொடர்ந்து செல்கிறார்!

அப்படிப்பட்டவரை, இத்தகைய நற்பண்பு, நல்லொழுக்கம் உள்ளவரை, சும்மா விட்டுவிட முடியுமா? நாம் போனால் போகட்டும் என்று விட்டுவிடுவோம்! தமிழர்கள்தான், "மறக்கும்,மன்னிக்கும் குணம் கொண்டவர்கள்" ஆயிற்றே ! "பகைவனுக்கும் அருளும் நன்னெஞ்சு?" கொண்டவர்கள் ஆயிற்றே!"வந்தாரை வாழவைப்பவர்கள் "ஆயிற்றே, நாம்!

அரிய இந்த செயலைச் செய்த அவரது நற்பணியை நினைவு கூற வேண்டும், அவரது வழியில் நாம் நடக்க வேண்டும் என்று, அறுபத்து மூன்று நாயன்மார்களில் ஒருவராக ஆக்கி வைத்து, போற்றி புகழ்ந்து வருகிறது! நம்மை வழிபடவும் வைத்துள்ளது! "செய்நன்றி மறவாத பிராமணீயம்"!

பொண்டாட்டியைக் கூட்டிகொடுத்தவனும், கூட்டிப்போன சிவனடியார்,{சிவனும்} பிராமணீயத்தின் பிரதிபலிப்பா? இல்லை தமிழர்களின் உன்னத நாகரீகமா? என்பதையும், ஊராருக்கு நல்லுபதேசம் சொல்லுவதாக கூறும், இந்துமதப் பற்றாளர்களும், ஒருவனுக்கு ஒருத்தி என்ற உயரிய தத்துவத்தை ராமன் சொன்னான், ராமாயணம் அதையே வலியுறுத்துகிறது, அடுத்தவன் மனைவிமீது ஆசைப்பட்டு, எடுத்து போனதால்தான் ராவணனை கொல்லவேண்டியது ஆயிற்று ! என்று வியாக்கியானம் செய்யும் இந்துமத "அவதார்" களும் சிந்திக்க வேண்டும்!

இதுபோன்ற அநாகரீகங்களை கூறும் புராண நூல்களை ஒதுக்கவும் அல்லது, அவைகளை பற்றி உயர்த்திப் பேசுவதையும் தவிர்க்க முன்வர வேண்டும்!

ஆனால், அப்படிசெய்ய யாரும் முன்வரமாட்டார்கள்! அப்படியே சிலர் முன்வந்தாலும், "பிராமணீயம்" அதனை அனுமதிக்காது!

ஏனெனில் சமூகத்தில் உள்ள முரண்பாடுகளும், பிரிவினையும், ஒழுக்கக் கேடுகளையும் உருவாக்கி, வளர்த்து வரும் "பிராமணீயம்" அத்தகைய செயல்களால்தான், தன்னை தொடர்ந்து அதிகார, ஆதிக்க சக்தியாக,நிலைநிறுத்தி வருகிறது!

ஒருபானை சோற்றுக்கு ஒரு சோறு பதம் போல , இதுவே போதும் என்று எண்ணுகிறேன்!

போதாது, இன்னும் வேண்டும் என்றாலும், அறியாமல் பூவை முகர்ந்த பெண்ணின் மூக்கை அரிந்த நாயனாரையும், இந்த அடாத செயலைச் செய்த கொடியவனை, தனது மனைவியின் மூக்கை அறுத்தவனை தண்டிக்காமல், குறைந்தபட்சம் கண்டிக்காமல் , அவனே செய்ய மறந்த செயலாக, அய்யா! பூவை முகர்ந்ததால் மூக்கை அறுததீர்கள், அனால் அந்த பூவை எடுத்த கையை முதலில் வெட்டாமல் விட்டுவிட்டீர்களே! என்று கூறி, நான் பூவை எடுத்த அவளது கையை வெட்டுகிறேன் என்றுகூறி, தனது மனைவியின் கையை வெட்டியதால், நாயனார் ஆன நாயனாரைப் பற்றியும் கூட விபரம் தருவேன் !

மனித ஒழுக்கக் கேடுகளை, ஒழுக்கமாகவும், பெருமைகளாகவும், அவைகளை செய்கிறவர்களை, உன்னத,மேன்மையான,போற்றத் தகுந்த, "புண்ணிய புருஷர்கள்"ஆகவும் காட்டும், "பிராமணீயம்" எனபது, வெகுஜன மக்களின் எதிரி என்பதை புரிந்து கொள்ளலாம்!
http://generationneeds.blogspot.sg/2012/03/blog-post_06.html?showComment=1331128437355#c1729460217738402570

தந்தையின் காலை வெட்டி நாயனாரானவர்! 

மாடு மேய்ப்பதுதான் அவரது தொழில், கறவை மாடுகளின் பாலை விற்பனை செய்வதன் மூலம் கிடைக்கும் வருவாயே குடும்பம் நடத்த ஆதாரம். வயதாகி விட்டது, மாடுகளை முன்புபோல அவரால் மேய்ச்சலுக்கு அழைத்துப் போக, முடியவில்லை!

தனக்குப் பின் தன்னையும்,குடும்பப் பொறுப்புகளையும் காக்கும் பொறுப்பு மகனுக்குத் தானே? என்று நினைத்தாரோ, என்னவோ, இனிமேல் நீயே இந்த மாடுகளை மேய்ச்சலுக்கு கொண்டுபோ, நன்கு பார்த்துக்கொள், கறவை மாடுகளிடம் இருந்து பாலைக் கறந்து, குடங்களில் சேகரித்து வா! என்று மகனின் உதவியை நாடுகிறார், அந்த முதியவர்!

மகன் பொறுப்பாக நடந்து கொள்வான், மாடுகளை நம்மைப் போல பராமரிப்பான், பாலைக் கொண்டுவருவான், பணமாக்கலாம், வருவாயில் குடும்பம் வறுமை இன்றி நடக்கும் என்ற நம்பிக்கையும் கனவும்,எதிர்ப்பார்ப்பும் அவருக்கு!

இளைஞரான மகனும், தந்தையின் பேச்சுக்கு கட்டுப்படுவதாக தலையசைத்தான்! மாடுகளை மேச்சலுக்கு கூட்டிப் போனான், திரும்பி வந்தான்!

மாடுகள் திரும்பி வந்தது, பாலை கறந்தாயா? மகனைக் கேட்டார்! அவன் மவுனமாக இருந்தான்! சரி கறக்க, மறந்து இருப்பான், அனுபவமில்லை! என்று நினைத்து கொண்டார்!

தானே சிரமம் பார்க்காமல், பாலைக் கறந்து கொள்ளலாம் என்று நினைத்து மாடுகளிடம் சென்று பாலைக் கறக்க முற்பட்டார். பாலைக் காணோம்!, பசுவின் மடியில் இருந்தால் தானே?, பால் சுரக்கும! எல்லா கறவைகளுக்கும் இதே நிலைதான்! ஒன்றிலும் பாலைக் காணோம்!

மகனைப் பார்த்தார், பாலைக் கறந்து யாருக்காவது, கொடுத்து விட்டானா? இவனே.. குடித்துவிட்டானா? தெரியவில்லை! சரி, போகட்டும் நாளைக்குப் பார்க்கலாம், என்று விட்டுவிட்டார்!

அடுத்த நாளும்,அதே கதைதான்! நாட்கள் நகர்ந்தது, நடப்புகளில் மட்டும் எந்த மாற்றமும் இல்லை!

கிழவர் பார்த்தார். சரி, என்னதான் நடக்கிறது? பால் எப்படி கிடைக்காமல் போகிறது ? என்று பார்த்து விட முடிவு செய்து, ஒருநாள் மகனை மாடுகளுடன் மேய்ச்சலுக்கு அனுப்பி விட்டு, அவனறியாமல் பின்தொடர்ந்து சென்று, நடப்பவைகளை மறைந்து இருந்து பார்த்தார்!

மகன் பாலைக் கறந்தான், கறந்த பாலை, குடங்களில் சேகரித்தான், மணலால் சிவலிங்கம் செய்த மகன், கறந்த பாலை மணல் லிங்கம் மீது கொட்டி, பாழ் படுத்தினான்!

பதறினார் தந்தை, துடித்துப்போனார் ! மகனின் முட்டாள்தனத்தைப் பார்த்து, கோபப்பட்டார்.! அவனிடம் ஓடி சென்று, தடுக்கப் பார்த்தார், கறந்து வைத்த... பால் குடங்களில்,அவரது கால் இடறியது, பால் தரையில் கொட்டியது!

பார்த்தான் மகன். மணல் சிவலிங்கத்துக்கு, 'அபிசேகம்' செய்ய வைத்திருந்த பாலை, தரையில் கொட்டும்படி செய்து விட்டாரே!, அவர் தந்தையை இருந்தால்தான் என்ன? அவரை தண்டிக்காமல் விட முடியுமா? பெற்ற தந்தை என்றும் பாராமல், தட்டிவிட்ட காலை வெட்டிவிட்டான்!

அதாவது, சிவஅபராதம் கண்ட மகன், "கோலை" எடுத்தானாம், அது மழுவாக (கத்தியாக )மாறிவிட்டதாம்! மழுவால் தந்தையாரின் காலை வெட்டி எறிந்து விட்டு, மீண்டும் சிவபூசையில் ஈடுபட்டான்!

.இவனது இத்தகைய அன்பான சேவையைக் கண்டு, 'சிவன்' தான் அணிந்திருந்த கொன்றை மாலையை அவனுக்கு சூட்டி, தொண்டர் நாயகனாக அனுகிரகம் செய்தாராம்!

சர்வ அதிகாரம் செய்யும் தலைவர்கள், தங்களது திரைமறைவு வேலைகளைச் செய்ய, "தொண்டர்ப்படை" என்ற பெயரில் சிலரை, "அடியாளாக" வைத்திருப்பது போல், சிவபெருமான் இவனை, தொண்டர் நாயகனாகியுள்ளார், என்கிறார்கள்!

இந்துமதம்சொல்லும், "அன்பே சிவம்" என்பதற்கு, என்ன பொருள்? என்று தெரியவில்லை!

"தந்தை சொல் மிக்க மந்திரம் இல்லை" என்று கூறுவது தவறா? என்றும் தெரியவில்லை!

தந்தையின் காலை வெட்டிய, தறுதலைப் பிள்ளையை, சிவன் அடியாராக, நாயன்மாராக ஆக்கிக் கொண்டான்! அல்லதுசிவனின் பெயரில்," பிராமணீயம்" ஆகியதா? என்று சிந்திக்க வேண்டியிருகிறது!

இந்த தீர செயலை, அறிவான செயலைச் செய்த, "நாயன்மார்" யார் தெரியுமா?
"சண்டேஸ்வர" நாயனார்தான் அவர்! அறுபத்து மூன்று நாயன்மார்களில் இவருக்கு மட்டும் சில இடங்களில் " தனி சன்னதியே" உண்டு!
"சண்டேசனுகிரக மூர்த்தி" என்ற பெயரில், இவர் கடவுளாகவும் வணங்கப்பட்டு வருகிறார்!

உங்கள் பிள்ளைகளுக்கு, இவருடைய அனுகிரகம், அருள் கிடைக்க வேண்டும் என்று பிராமணீயம் எவ்வளவு அக்கறை கொண்டுள்ளது
பாருங்கள்!

எனக்கொரு உண்மை தெரிஞ்சாகணும்!, "இந்த கதைகளை எல்லாம் தெரிந்து கொண்டு, கதாகாலாட்சேபம்,செய்யுற வங்களை பிராமிய வாதிகள் என்பதா? தமிழர்கள் என்பதா? படித்தவர்கள் என்பதா? சிந்திக்கக் கூடியவர்கள் என்பதா? தமிழின துரோகிகள் என்பதா? அல்லது,சமூக வியாதிகள் என்பதா? விரோதிகள் என்பதா?

அப்புறம், இவைகள் எல்லாம் தெரிந்தோ,தெரியாமலோ, விட்டுக் கொடுக்க முடியாமல், "வக்காலத்து வாங்கும்" நம்ம பதிவர்களை எப்படி,எதில் சேர்ப்பது? என்றும் தெரிந்தாகணும்! தெரிந்தவர்கள் சொல்லுங்கள்!

அட.., "சண்டாளப் பாவி" என்று என்னை தயவு செய்து, திட்டாதீர்கள் !

திட்ட வேண்டும் என்று தோன்றினால்,சண்டேஸ்வரரைத் திட்டுங்கள்! ஏனெனில், அவருக்கு காத்து கேட்காது என்று, கைதட்டி... ஓசை எழுப்பி,வேண்டுகிற வழக்கமும் இருக்கிறது!

http://generationneeds.blogspot.sg/2012/03/blog-post_08.html

அரசமாதேவியின் மூக்கை அறுத்த நாயனார்!
ஆவூர் என்ற ஊரைச் சேர்ந்த சிவனடியார் அவர். வேளாளர் குலத்தில் பிறந்தவர்.இவர், தினமும் சிவ லிங்கத்துக்கு, பூக்களை கொண்டுபோய் போட்டு, வழிபட்டு வரும் வழக்கமுடையவர்! அப்படி ஒருநாள் பூக்களைக் கோவிலுக்கு கொண்டுபோனார் ! பூக்களில் சில சிதறி, தரையில் விழுந்து இருந்தன.( தமிழர் வாழ்வியலில் 'பூசை' என்றால், ' பூ வைத்து வழிபடு' என்றுதான் பொருள்!)

கோவிலுக்கு வழிபாடு நடத்த வந்தார், பல்லவ அரசரின் மனைவியான அரச மாதேவியார். கீழே பூக்கள் சிதறிக் கிடந்ததை பார்த்தார். 'அரசி என்றாலும் அவளும் பெண்தானே? ' பூக்கள் மீது ஆசையிருக்காதா? ஆசையை அடக்கமுடியாமல், சிதறிக் கிடந்த பூக்களில் ஒன்றை குனிந்து எடுத்தார். அதன் வாசனையை நுகர்ந்தார்.

இதைக் கவனித்துவிட்ட சிவனடியாருக்கு வந்ததே கோபம்.! "எப்படி பூசைக்கு எடுத்து வந்தப் பூவை நீ,நுகரலாம்?" என்று கேட்டு , "பூவை நுகர்ந்த உன் மூக்கை அறுக்கவேண்டும்" என்று கூறி, அரச மாதேவியின் மூக்கை அறுத்து எறிந்தார்!

பாவம்! மூக்கறுபட்ட அரசியானவர், தனது கணவர் ஆளும் நாட்டில், இந்த சிவனடியார் இப்படி அக்கிரமம் பண்ணிவிட்டாரே!, இது என்ன கொடுமை!! என்று, வலியுடனும், வேதனையுடனும் அவமானப்பட்டு கொண்டும், நடந்ததை தனது கணவனும் ,அரசனுமான பல்லவனிடம் போய் முறையிட்டார்!

அந்த அரசன் சிவனடியாரை அழைத்து விசாரிப்பான்,தனக்கு நியாயம் கிட்டும், நிச்சயம் அந்த சிவனடியாரை தனது கணவர் தண்டிப்பார் என்று நம்பிக்கையுடன் போய் முறையிட்டார்!

அந்த அரசன், என்ன செய்தான் தெரியுமா? சிவனடியாரை தண்டிக்கவில்லை, கண்டிக்கவில்லை! மாறாக, சிவனடியாரிடம், "அடியாரே, பூசைக்கு உரிய பூவை முகர்ந்ததால் , எனது மனைவியின் மூக்கை அறுத்து தண்டிதீர்கள். முகர்வதற்கு முன் அந்த பூவை, அவளது கையல்லவா எடுத்திருக்கும்? அந்த கையை துண்டிக்காமல் விட்டுவிட்டீரே! " என்று கேட்டு, "நீங்கள் தர மறந்த தண்டனையை, உங்கள் சார்பாக நானே தருகிறேன்" என்று கூறி, அரசமாதேவியின் கையைத் துண்டித்து விட்டான்!

இவ்வாறு,அரசமாதேவியின் மூக்கை அறுத்த அந்த புண்ணிய சீலனின், சிவனடியாரின் செயல் போற்றத் தகுந்தது, என்று சிவன் தரிசனம் தந்து
அவரை பெருமைப் படுத்தினாராம்! அதனால், அவரை நாயன்மாராக ஆக்கி உள்ளார்கள்! அரசமாதேவியின் மூக்கை அறுத்து, அந்த செயற்கரிய செயலை செய்து, நாயன்மாராக ஆனவர் பெயர் என்ன தெரியுமா? "செருத்துணையார்" அறுபத்து மூவரில் இவரும் ஒருவர்!

சரி,மூக்கை அறுத்தவரை நாயன்மாராக ஆக்கிவிட்டால் போதுமா?

அவர் செய்ய மறந்த செயலை, அதுதாங்க, பூவை எடுத்த அரச மாதேவியின் கையை வெட்டி எறிந்த, பல்லவ அரசனது செயல் மட்டும் என்ன சாதாரண செயலா?

அவரை சும்மா விட்டுவிட முடியுமா? முடியாது இல்லையா!? ஆகவே, அவரையும் அறுபத்து மூவரில், ஒரு நாயன்மாராக ஆக்கி உள்ளார்கள்!, சாதனைகளுக்கு தகுந்தபடி பரிசளிக்கும், சிவனடியார்கள் ஆக்கும் நமது பிராமணீயம் ! இந்த நாயன்மாரின் பெயர்தான், "கழற்சிங்க நாயனார் " !

'கட்டிய மனைவியை, காப்பாற்றுவேன், இன்ப,துன்பங்களில் அவளுக்கு துணையாக இருப்பேன்' என்று அக்கினியின் முன்பு, வேத மந்திரங்கள் ஓதி, அம்மி மிதித்து, அருந்ததி பார்த்து, "மங்கள சூத்திரம்" அதாங்க... தாலி{!} கட்டிவைக்கும், சடங்குகளை செய்துவரும் "பிராமணீயம்" யாரை நாயன்மாராக ஆக்கி இருக்குது பாருங்கள்!

அறுபத்து மூன்று நாயன்மார்களில் அடுத்து, அதி மேதாவியான, ஒரு நல்லவரை, மாதா,பிதா, குரு,தெய்வம் என்று போற்றி, வணங்கக் கூறும், வழிபட சொல்லும் நமது பெருமைமிக்க... இந்து மதத்தின், பெருமையை காப்பாற்றும், "பிராமணீயம்" நாயன்மாராக ஆக்கி இருக்கிறது!"

http://generationneeds.blogspot.sg/2012/03/blog-post_07.html

மனைவியை விலை பேசிய நாயனார்.

புகழுடைய தொண்டை நன்னாட்டில் எல்லா வளங்களையும் தன்னகத்தே கொண்டு சிறந்து விளங்கிய ஊர் இன்றைய வடசென்னையில் இருக்கும் (திருஒற்றியூர்) திருவொற்றியூர். அங்கே உள்ள சக்கரபாடித் தெருவில் எண்ணெய் வாணிபம் புரியும் வணிகர்குலத்தில் பிறந்தவர் கலியன் நாயனார். இவர் சிவனுக்குத் திருத்தொண்டு புரியும் நெறியில் நின்று தமது செல்வத்தைத் திருவொற்றியூர் கோயிலில் உள்ளும் புறமும் ஆயிரக்கணக்கான விளக்குகளை இரவும், பகலும் இடுகின்ற திருப்பணியில் தம்மை முழுமையாக அர்ப்பணித் திருந்தார்.

கலிய நாயனாரின் பக்தியின் மேன்மையை சோதிக்க கடவுள் உமயபங்கர் அவருக்கு வறுமையைத் தோற்றுவித்தாராம். வறுமையையும் ஒரு பெருமையாக எண்ணிய நாயனார் திருக்கோயிலில் விளக்கேற்றும் பணிக்குக் கூலி வேலை செய்து அதில் கிடைத்த காசுக்கு எண்ணெய் வாங்கி ஊற்றி விளக்கேற்றினார். ஏற்கனவே ஏராளமான செக்குகள் வைத்துச் சொந்தமாக எண்ணெய் ஆட்டி விற்று வந்தவர், பல பேர் இவரால் - இவர் தொழிலால் பிழைத்து வந்தார்கள் செல்வச் செழிப்பும் - புகழுமாய் இருந்த கலியன் நாயனார்.

இப்போது கடவுளின் கடைக்கண்ணால் ஏழையாக்கப்பட்டார். கூலிக்கு அடுத்தவர் செக்கில் வேலை பார்த்தார். அடுத்தவர் செக்கில் எண்ணெய் கடனாக வாங்கி சுமந்து ஊர் ஊராக விற்றார். அதில் கிடைத்த காசுகளை அகல் விளக்கேற்றும் திருப்பணிக்கு செலவிட்டு மகிழ்ந்தார். அந்தக் கூலி வேலையும் இப்போது கிடைக்காமல் போய்விட்டது.

வாழ்ந்து கெட்டவன் வரவோட்டுக்குக் கூட ஆக மாட்டான் என்பது போல யாரும் இவருக்குக் கடன்கூட தர மறுத்துவிட்டார்கள். செய்வது அறியாது வேதனைப்பட்ட கலியன் நாயனார், நாளும் விளக்கேற்றிய தொண்டு பல கஷ்டத்திலும் தடைப்பட்டு விடாமல் செய்து வந்தார். இன்றைக்கு விளக்கேற்ற பணம் இல்லையே என்று வேதனைப் பட்டார். தமது கடைசி சொத்தாக இருந்த வீட்டையும் விற்றுக் கோயிலுக்கு விளக்கேற்றினார். அடுத்த நாளைக்கு விளக்கேற்ற பணம் இல்லாததால் தன் வீட்டுக்கு விளக்கேற்றி வாழ்ந்த தனது மனையாளைத் தேரடித் தெருவிலே நிறுத்தி விலை கூறினான்! அதில் கிடைத்திருக்கும் பணத்திலாவது கோயிலுக்குத் தடைபடாமல் விளக்கேற்றிவிடலாம் என்று நினைத்து மனைவியை விலை கூறி விற்க துணிந்தார் கலியன் நாயனார்.

யாரும் அவளை வாங்கத் துணியவில்லை. நல்லவர்கள் திருவொற்றியூரில் இருந்திருக்கிறார்கள்! சித்தம் கலங்கிய கலியன் நாயனார் எப்படியாவது கோயிலுக்கு தான் இதுவரை செய்துவந்த விளக்கேற்றும் பணி நிறைவேற வேண்டும் என்ற பக்தி வெறியில் தானும் தனது மனையாளும் உடலில் வாளால் தாங்களாகவே வெட்டிக் கொண்டு பீறிட்டு வரும் இரத்தத்தை அகல் விளக்கில் நினைவிருக்கும் வரையில் ஒவ்வொன்றாக நிரப்பி எரியவிட்டு கோயில் வளாகத்திலேயே உயிரை விட்டிருக்கிறார்கள். ஒரு சூத்திரக் குடும்பத்தின் சோகக்கதை இது! கோயில் வளாகத்திலேயே கணவனும் மனைவியுமாய் தற்கொலை செய்து கொண்டபின் இறைவன் இவர்களுக்குப் பேரின்பப் பெருவாழ்வு மேலோகத்தில் அளித்தாராம்! கலியன் நாயனார் சிவபதம் புகுந்து சிறப்புற்றார் என்று வெங்காயக் கதையைப் பெரிய புராணம் சொல்கிறது.

கடவுளை நம்பிய காரணத்தால் மாட மாளிகையோடு - சொத்துக்கள் - செல்வ செழிப்புகள் - அத்தனையும் இழந்து - கூலிக்கு வேலை செய்தார். பல நூறு செக்குகள் சொந்தமாக வைத்து எண்ணெய் ஆட்டி வியாபாரம் சொந்தமாக செய்து வந்த கலியன் நாயனார் நாளும் கோயி லுக்கு உள்ளும் - வெளியும் விளக்கேற்றி வந்த பாவத்துக்கு அவர் ஏழையாய் போனார். அதனாலேயே எல்லாவற்றையும் இழக்க நேரிட்டது. கடைசியாய் தானும்- மனைவியுமாய் கோயில் வளாகத்தில் தற்கொலை செய்து கொண்டார்கள். தங்கள் இரத்தத்தால் தங்களையே விளக்கேற்றி மாய்ந்தார்கள். இந்த மாதிரியான வேலையை எந்தப் பார்ப்பானாவது செய்திருப்பானா? நம்மாளுக்கு மட்டுந்தான் பக்தி வந்தால் புத்தியை இழப்பான் என்கிறது கலியன் நாயனார் கதை!

------------------புலவர். மா. வீரஅரசின் தடயம் என்ற நூலிலிருந்து நன்றி :-"விடுதலை" 6-3-2009

நாயன்மார்கள் வரலாறு நமக்கு சொல்லுவதென்ன ? 

வாகாடக அரசர்கள் போலவே பிராமணர்களுக்கு ஆதரவாக செயல்பட்ட சாதவாகன அரசர்கள் பிராமணர்களுக்கு பிரமதேயம் நிலம் அளிததபோது விதித்திருந்த நிபந்தனைகளைப் பற்றி முன்பே குறிப்பிட்டு இருக்கிறேன்! அரசனுக்கு நஞ்சுட்டுவது,சதி செய்வது, பிற கிராமங்களுக்கு இடையில் கலகம் ஏற்படுத்துவது, கொலை செய்வது,போன்ற குற்றங்களைச் செய்யகூடாது என்று நிபந்தனை விதிக்கப்பட்டு இருந்ததது போலவே,எல்ல காலங்களிலும், எல்லா நாட்டிலும், எந்த அரசனது ஆட்சியிலும் தொடர்ந்து செய்து வந்தனர்!

பிராமணர்கள் தங்களது இன நலத்துக்கு,ஆதிக்கத்துக்கு செய்துவந்த செயல்களுக்கு ஆதரவாக தங்களுடன் இணைந்தும், தனித்தும் செயல்பட்ட பிற இன,மத மக்களை ,அவர்கள் எத்தகைய கொடுமைகளை செய்திருந்தாலும் பொருட்படுத்தாமல் அவர்களை சிவனது அருள் பெற்றவராக,நாயன்மாராக போற்றிப் புகழ்ந்தும் அவர்களை புனிதபடுத்தியும், புண்ணிய புருஷர்களாக, மகான்களாக, எல்லோரும் ஏற்று நடக்கும்படியான கருத்தியலை தோற்றுவித்து வந்தது!

அதுமட்டுமல்ல, பிறரையும்... மதத்தின் பொருட்டு செய்யப்படும் எந்த குற்றமும்,ஒழுக்கக் கேடும் , அரக்க செயலும் தவறில்லை! என்று சித்தரித்து வந்ததுடன், அதனை நியாயப் படுத்தி வந்துள்ளது! என்பதையே.. நாயன்மார்களின் வரலாறு நன்கு சொல்லுகிறது!

அறுபது மூன்று நாயன்மார்களும் ஒட்டுமொத்த மக்களின் நலனுக்கு பாடுபட்டவர்கள் இல்லை. அன்பையும், சமாதானத்தையும் போதிதவர்களும் இல்லை! நல்லொழுக்கம் நிரம்பியவர்களும் இல்லை!அறிவான செயல்ஹ்களை, நாகரீகமான செயல்களைச் செய்தவர்களும் இல்லை! பிறமததினர்போல் சகிப்பு தன்மை,மனித நேயம் கொண்டவர்களும் இல்லை!

குணக் கேடர்கள் ! அரக்கமனம் கொண்டவர்கள். செய்யத்தகாத செயல்களை செய்தவர்கள்! நீதி ,நேர்மை என்ற எதைபற்றியும் கவலை கொள்ளாதவர்கள்! தமிழ் சமுதாயம் எத்தகைய நல்லொழுக்கங்களை, வாழ்வியல் நெறிகளைக் கொண்டிருந்ததோ, போதித்து வந்ததோ,கடைபிடிக்க சொன்னதோ, அந்த உன்னதங்களை, உதாசீனம் செய்தவர்கள்!

அப்படிப் பட்டவர்களை. எதற்கு இந்துமதம், குறிப்பாக," பிராமணீயம் " நாயன்மார்கள் ஆக காட்டுகிறது என்றால், அவர்கள் அனைவரும் தங்களது, மனைவி,மக்கள், உறவுகள், அனைத்தையும் எதிர்த்தும், சமணர்கள் போன்ற பிறமதத்து மக்களைக் கொன்றும், பலிவாங்கியும் வந்தவர்கள்!

பிராமணர்களின் மேன்மைக்காக பாடுபட்டவர்கள்! என்பதால்தான்!
தனது பிள்ளையை கொன்று,கூறுபோட்டு சிவனடியாருக்கு, கறி சமைத்துக் கொடுத்த சிறுத்தொண்டர், பிராமணர்களின் கொடூர குணத்தை கூட எற்றுகொண்டவர்! என்று கூறுவது தமிழர்களின் விருந்தோம்பல் பண்பை காட்டுவதாக சுட்டி, யாகத்தில் மனிதர்களை பலிகொடுக்கும் பிராமணர்களின் செயலை நியாயப் படுத்தி,ஏற்றுக்கொள்ளவும் செய்கிறது!

சத்தியார் என்றொரு நாயனார். இவர், எவர் சிவனை பற்றி,சிவனடியார்கள் பற்றி தவறாக பேசினாலும் அவர்களது "நாவை அறுத்துவிடுவதை", இறைதொண்டாக செய்து வந்தவராம்!

சிவனைப் பற்றி,சிவனடியார்களைப் பற்றி யார் தவறாக பேசுவார்கள்? சமணம்,பவுத்தம் முதலிய கொல்லாமை,ஜீவகாருண்யம், உயிர்களிடத்தில் அன்பு வேண்டும், மனித நேயம் வேண்டும் என்று நினைக்கும் தமிழர்கள் அனைவரும் தான் சிவனைப் பற்றி தவறாக பேசுவார்கள்! அல்லது அந்த கொள்கை,மதம் தவறானது என்று பேசுவார்கள்!

அப்படி பேசினால், பொறுக்கமுடியாமல் பேசியவர்களின் நாக்கை அறுப்பது எனபது எப்படி? சரியான இறைபணியாகும் ? பாசிசத்தின் வெளிப்பாடுதானே அது? பாசிசம் என்ற" பிராமணீயம்" எந்த எதிர் கருத்துகளையும் எற்றுகொள்ளுவதில்லை, என்பதைத்தானே? இந்த நாயனார் எதிரொலிக்கிறார்!

தன்னை எதிர்க்கிற எதையும் எதிர்ப்பதும், ஒடுக்குவதும், ஒழித்துவிடுவதும் 'பிராமணீயம்' செய்து வந்துள்ளது,மதின் பெயரால்! அதுமட்டுமின்றி,தனது நோக்கத்தை நிறைவேற்றும் சகலமானவர்களையும்,பாசிசவாதிகளையும் நாயன்மாராக்கி இருக்கிறது!

இவையே, சிவனடியார்களின் கதையாக இருக்கிறது! நாயன்மார்களின் வரலாறு நமக்கு சொல்வதும் இதனைத்தான்!

நந்தனார், சிதம்பரம் கோவிலில் தீக்குளித்து, சிவனடி சேர்ந்தவராம்! காரணம் சிவன் கோயிலுக்குள் அவர் போகமுடியாமல், பிராமணர்களால் தடுக்கப் பட்டவராம்! காரணம் நந்தனார் தீண்டதகாதவராம் !

சிதம்பரம் கோயிலில் சட்டையைக் கழட்டிவிட்டு போவது, "இறைவன் முன் அனைவரும் சமம் "என்று காட்டத்தான் என்பவர்கள், சட்டையே போடாத, சாதியான... "நந்தனார் கதைக்கு என்ன சொல்லபோகிறார்கள்?

http://generationneeds.blogspot.sg/2012/03/blog-post_15.html


No comments:

Post a Comment