Followers.அன்பர்களே ! இணைந்து கொள்ளுங்கள்.

பங்குனி உத்திரம் என்றால் என்ன? அது என்ன பங்குனித் திருவிழா?

எதற்கு இந்தப் பக்தர்கள் தரையில் அரை அம்மணமாகப் படுத்துப் புரளுகிறார்கள்?

பங்குனி உத்திரம், பங்குனித் திருவிழா என்றெல்லாம் சொல்கிறார்களே, அது என்ன? அந்த நாளில் - பங்குனி உத்திர நாளில் - சிவனுக்கும், பார்வதிக்கும் திருமணம் நடந்ததாம்.

சிவனுக்கும், பார்வதிக்கும் பல திருமணங்கள் நடந்துள்ளன. பார்வதியை பல உருவங்களில் பிறக்கச் செய்வாராம் - பிறகு மணந்து கொள்வாராம். அதனால்தான் சிவன் திருமணம் என்று பக்தர்கள் சொல்லமாட்டார்கள். பார்வதி கல்யாணம் என்றுதான் கூறுவார்கள்.

கல்யாணம் என்றால் விளையாட்டு என்றும் பொருள். சீதா கல்யாணம், ருக்மணி கல்யாணம் என்று தான் சொல்வார்கள். வள்ளித் திருமணம் என்று ஏன் கூறுகிறார்கள்? வள்ளி - தமிழச்சியாம்! கடவுள் பக்தர்களுக்கு மொழி பக்தி கூட உண்டு போலும்!

சிவன் - பார்வதி கல்யாணத்துக்கு உலக மக்கள் எல்லாரும் இமய மலைக்குக் கூடி விட்டார்களாம். எனவே, பளு தாங்காமல் பூமி வடக்குத் திசையில் தாழ்ந்து போய் விட்டதாம். பூமி தட்டையாக - சீசா (SEESAW) பலகை போல இருக்கிறதா? என்ன முட்டாள் தனம் பாருங்கள்!

எனவே, பூமியைச் சமன் செய்ய சிவன் ஓர் ஆளை அனுப்பியதாம். அவன்தான் அகத்தியன். குறுமுனி. குள்ள உருவம். 20 கிலோ எடை இருப்பானோ? சந்தேகம்தான்.

அகத்தியன் தெற்கே வந்ததும் பூமித் தட்டை சமனாகி விட்டதாம். கல்யாணம் சங்கடமின்றி நடந்து முடிந்ததாம். அந்த நாள் தான் பங்குனித் திருவிழா. அகத்தியன் கோயில் அம்பா சமுத்திரத்தில் உள்ளது. எதற்கு இந்தப் பக்தர்கள் தரையில் அரை அம்மணமாகப் படுத்துப் புரளுகிறார்கள்?

ஏன் இவர்களுக்கு இரண்டு பக்கத்திலும் ஆள்கள் நின்று கொண்டு பனை ஓலை விசிறியால் விசுறுகிறார்கள்? பரமசிவன் புழுக்கத்தைப் போக்காதா? போக்காது என்றால், மின் விசிறி வைக்கக் கூடாதோ?

அகத்தியனுக்கு மட்டும் சிவனின் திருமணம் ``ஸ்பெஷல்’’ காட்சி இங்குதான் காட்டப்பட்டதாம். இதை பக்தர்கள் படுத்துக்கொண்டு பார்க்கிறார்களோ?


-----------------------நன்றி: "விடுதலை" 13-04-2007
http://thamizhoviya.blogspot.com/2009/01/blog-post_8835.html

No comments:

Post a Comment